 | | |
| | |
|
Spaces home  青BB林JiJi ^______^PhotosProfileFriends |  Tools   |
|
August 14 一D过期既HOLGA 厦门游～我地住既NAYA小旅馆
 NAYA的门口
 隔离青旅。。。靓～
 继续隔离青旅。。。负片果筒影得最正常既一张
 无咩野。。觉得得意～
 LULYLULY组合的。。。脚。。。
 灵异既脚。。。。五知搞乜。。。
 继续灵异。。。厦门鬼相
 某古宅。。。血红。。。
 叠得五好既山底与山顶～～～于日光岩
－－－－－－－－－－－－－－－－－－厦 门 之 外－－－－－－－－－－－－－－－－－－
 姑且的黄花岗之游。。。。五一游黄花岗。。萧条。。。
 大白天影成甘，撞鬼你咩。。。在华侨新村～～怀念既好地方，华侨小学已经物是人非
 早上落楼翻工就可以望见既好阳光～树叶绿得好靓
 好温馨既两爷孙。。小丸子同爷爷五做猥琐野果阵一定都系甘。。。
July 28 25党上星期五，7月25日，文西牛一
继大一既肯德基结盟之餐与圣诞火鸡大餐之后，我，文西，领导三个25党终于再次三人撑台脚庆祝好日子
今年系25党既25岁生日，系要搞搞距，6个25涡，哈哈
应文西强烈点名要求，晚饭响乌烟瘴气既南兴进行
绝对既半只烧鹅，梅子猪手，煎面，煲淋大芥菜。。。。实在过于丰盛
食到大家摊摊腰，但系都要继续上楼开蛋糕，送凉茶？？！！。。。
领导话我地既相会好惊，次次都饱死。。。距已经向厚发展（个point系吾系向横，系向厚，哈哈），吾可以再甘失控
完美中既遗憾就系。。。森美个栋督笑点解甘吾好笑－.－”。。。。。。
PS:餐饭食左125蚊。。。。好玄啊。。。7个25拉
July 16 十面埋伏之命悬一线最近既生活～～
“十面埋伏啊～～”（同事纠正，要用“四面楚歌”）。。。系我呢期既口头禅，真系厕所都去少几转，日日好似打锣甘，“青林”呢个呼唤呢期日日响公司响起无数次
由于各个项目都貌似进入收尾阶段，导致做两下A，B就黎催，做两下B，A又要修改，跟住阿sir又开始催C要今个月完成。。。最后仲有一个D要尽可能去做（果然系“四面楚歌”）
本来好高级改到宜家大家话10蚊都五买既洗头水包装呢排就黎收尾每日“要输出稿，要跟色稿，要修改两只字，要调整输出稿，要分色稿，要加英文，要输出意见，又要修改几个小地方。。。。。”导致我就快精神崩溃（阿西可以作证。。呢个烂鬼包装我从3月做到宜家，果阵仲好开心同阿西讲可以用我画既公仔做包装。。。加阵真系见到距就想呕）
无底深渊光明两个月来就一直用同样几个元素不断排列组合个包装，星期一小改，一月一大改。。。睇怕已经出左超过50款睇落无咩明显改动既同一个包装，加之收到最新消息分分钟可能仲要改个几两个月。。。。到底呢个系一个咩概念既工作进度。。。到底距浪费时间定我浪费时间？？！
再加之个小小淘宝岩开起，搞到连翻到屋企都五得闲。。。周末又要book darling影相入货。。。。真系洗吾洗甘充实啊～～
似乎开始努力向理想奋进既同时我开始怀疑我既理想到底仲系咪我既理想。。。可悲既系我宜家既理想系咩我自己都好迷茫了。。。
一到忙既时候个人就开始茅。。。
努力努力努力～～～顶住顶住顶住～～～
。。。。。。。。。。。。。。。。。
。。。。。。。。。。。。
。。。。。。。
。。。。
好眼瞓ZZZZZZZ
PS:今日系我只袋袋既生日。。。哈哈～～but,今日吾算炎热涡（今日毛毛企响我隔离话我个身好似好热甘，散发出股热气。。。睇黎真系忙到出烟）
 June 25 "B" day25岁了～
彭几蚊姨婆话我向奔三迈出坚定既一步。。。。。OH NO
根据某五迷既讲法。。我已经迈过变态既分界线了！！！ OH NO
今日系双25 day~25号的25岁牛一，所以要纪念吓。。
顺便多谢吓大家既祝福。。。
今年生日既两餐饭～适逢糕同丸有同一部手机。。一于影翻两辑异曲同工之妙既相拉，哈哈
一级棒VS菲越星马泰
多谢大家甘有心～～～虽然要迈向变态，都值了，哈哈哈
 四个蛋糕。。。最肉酸果个系我既。。。。衬我涡。。。够了。。。  一人一张无走鸡
 “姑且一试”果然系疯癫既组织～
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
菲越星马泰
 菲，越，星，马，泰。。。五个地方比你食晒。。
同山仔一样甘包既包－金枕头，哈哈
酿虾饺响里面既墨鱼仔。。。
好甜既好味红咖喱牛腩。。。
入口即溶既cheese cake。。。
多谢山仔同丸请食饭，哈哈哈。。。
PS:最后果张明明系丸揸机自拍，D表情好似比人偷拍吓亲甘，哈哈哈 May 03 my first 环保bag~终于终于～～
磨左成个月
我个大工程试验型环保袋终于车好啦～～
阿妈：“你只袋甘鬼复杂。。。边忽环保。。”（
 确实几有道理） 我部至sharp lomo可以日日咩住啦，哈哈哈哈。。。。
不良2B专用！！！ April 10 一d野 3月号既国际广告。。。。。。。。吾系甘既。。。
呢个系我既上交版，已经完全好无奈甘根据距地要求改到春节红色喜庆，标题要放大大。。。
点知。。结局都竟然可以擅自改到面目全非，丑到呕仲要恶人先告状话今期整得丑。。。
 上到五颜六色仲要截到张图唔完整，上面空一大块白。。都五知想点。。。
真系浪费晒我一笔一画既心血同阿波既创意
（经过我缩到甘细，已经靓过睇实物好多）
唔止我，连阿sir篇文章都比距地擅自改左题目，激到阿sir梆梆声，呵呵
比较挫败既一个job....
下面系化左灰都吾会忘记既一个job...（地狱光明黎拉）
本来做果阵仲搜集左成个文件夹黎显示呢个项目我到底画左几多女人，做左几多份初稿
心情激愤甘话要黎个大晒冷。。。
不过时至今日，似乎呢d地狱回忆都离我而去了。。。
 见到成个烈士陵园站都充满晒我三个月d心血，真系自豪
 好有缘甘撞到好多次品牌列车
 执图都执死既靓女miu。。。(执头发真系人生一大恐怖事）
同场加影。。。。畅油老鼠恶搞版～～
 鼠年梗系稳老鼠卖广告拉，老鼠仔都要做经典托音符动作，哈哈哈。。。
果期仲要有人罗黎做桌面添，认真捧场。。 April 03 又喊又笑,乌蝇打照,琴佬赖尿 好想喊: 呢两日好似鬼上身甘,魂不附体... 寻日早上翻工坐车竟然企住睁住只眼都会坐过站,去左执信果头,搞到无端端花多两蚊坐翻转头兼迟到... 今日响楼下买完早餐挂住将果三只蛋挞塞入饭兜袋,竟然一头中去棵树度,呢个吾系重点,重点系落左三日雨既树下面已经储左一缸水(请想象种树位果个方形得凹位),我就甘一脚叉入果缸泥水里面...ORZ....我对布鞋......因为我频临迟到既边缘,唯有叉住对肉酸野翻工,虽然结局仍然系迟到..............左半分钟..ORZ (虽然成对鞋叉晒入潭野,不过由于我以雷速抽翻只脚起身,只鞋竟然吾系好湿,不过就乌嘴狗...) 好想笑: 星期六果日,两老竟然七点零就起左床,嘈住晒,赖左半个仲终于顶吾顺起身见阿妈咩埋袋,话:"我哋去饮茶,你要翻工吾预你,我哋二人世界" ...懒巴痹甘... 晚上翻到黎,老豆话:"今朝几狼狈阿,行左三间茶楼都无位,最后响路边一间烂咋咋既小店食早餐....." 突然有种好想笑既感觉~~ 前日晚上,放工经过楼下榕树头鸡,一个细路同一个后生仔响度玩猜程寻,只听个细路用好响亮既声音讲:"程寻罗较叉烧鸡." 跟住,我一路行就一路听到呢句好响亮既" 程寻罗较叉烧鸡." 我知我好无聊,不过我真系好想笑....... April 01 今个月既最后一日～ 熟悉既场景，但系已经系曾几何时。。。
《办公室一脚》只不过系我前几个月画既，响几个月后既宜家，呢一角已经物是人非。。
佳佳话，阿波走果日我肯定会流马尿，因为我最中意呢个师兄拉～
距讲得无错，虽然我无流马尿。。。
因为响前一晚，已经狠狠甘流左。阿妈仲话我傻女。
流干就豁然了，伤感都走晒了。。可以开开心心同事埋最后一日
当每一次身边有我好中意既人离开我总系会突然大喊一场，之后就会豁然开朗
李江去法国，daling去英国，方船去美国。。。
记得三年级去实习，去到发现小阮同小童都走左，眼泪即刻已经涌出黎，虽然无人见到 点解我会甘伤心？我都五知
因为波师兄从我第一次黎公司实习就系我既揸fit人，有距揸fit，天跌落黎当被盖
因为距系我公司最崇敬既人，总系极之好耐心甘教化我，仲有好多野想响距身上学习
因为呢个一巷之隔既隔离位总系比好多信心我，成日“奉承”我
因为距总系可以理解我淋既野，一针见血指出我既问题
仲因为有左呢个“波”，公司既大家总系可以口沫横飞吹个够
毛毛话“阿波走左好似静左好多甘既”（虽然毛毛对阿波有“非分之想”，不过距讲既都系事实）
最起码，曾生静左，阿静静左，毛毛静左，我又静左，阿sir更加失去一个知音兼爱将
以前距总系好兴奋甘跑出黎稳阿波要比野距睇，要征求距既认同and意见
一个响公司好撑我既人走左，一个我响公司好信赖既人走左，无得靠，好彷徨。。。要加油！！
 最后一日开开心心留念，江南西五人组，super!!(毛毛系要隔响人地中间，仲吾系非分之想？！）
 狼牙山五壮士。。。阿波好牛屎，哈哈哈哈
 由于阿波好诡异甘选择响3。8妇女节走，而广大女士们又有半日假，所以，阳盛阴衰既公司小合照。。。
我虽然因为加班无得走。。不过就算唔加班，我都吾会甘无义气既，哈哈。。点都食埋你既零食大餐
ps：终于。。我今日都无迟到。。今个月指标完成～！！！ March 28 快闪都无时间近排大家都好早收工，今日我只不过加到7点但系感觉就好似加到11点甘，设计部得翻我一支冷好似比人遗弃甘，外面部门关晒灯，大家六点零就人间消失晒，好似约埋甘，最近两个月日日6点左右大家就已经几乎做晒“快闪党”,以前成日吾到六点半都唔走既uncle 同位加阵都变成吾够六点就叫“好，闪！”虽然系甘，但系翻到屋企食完饭洗埋碗又八点几了。。
时间点解总系吾够洗。。我已经甚少加班，已经晚晚都点几先瞓架啦。。。。唉。。。。
一晚只能多选一：写一篇正常有图有文既日志（呢篇太短吾算）/睇一集连续剧/睇一出电影/睇淘宝/睇网络五花八门新闻/做一个手工/搜刮一d图片/qqmsn聊天。。。。。由于一个星期有三四出连续剧要追。。所以，基本一个星期都五知做得乜。。。ORZ
我想要多d free time啊～～ 呢个甘奢侈既愿望几时先可以实现。。。
PS:听日最后一日要撑到最后，今个月一定要全勤。。。已经连续两日八百米狂奔翻公司最后一分钟到达，为左我果张有100蚊响里面但系跌左既羊城通，今个月一定要罗到全勤奖100大元～～～fighting!!
March 27 泪光闪闪 宣扬人间大爱既《没有玫瑰的花店》终于都final了。。
好彩，结局并不如很多资深日剧迷所猜想的野岛式“洒狗血”,而是与主题极之吻合地－－
人间大爱令所有人都拥有幸福，I LOVE IT
温馨既结局
英治同雫真相大白后既重逢同第一集相依为命既镜头呼应，好窝心～
英治同美樱既玫瑰花房一吻，虽然假d，不过够唯美
咖啡店老板同小野老师你来我往既洒花枪，咖啡店老板坚持就是胜利，YEAH～
直哉脚踏实地重新做人，美樱爸爸闯过死门关人生重新开始
一切一切都实在太美好了～
令我淋起《三丁目的夕阳》，平凡知足就是最大幸福，人与人之间相互信任，相互扶持
我淋日本人都十分憧憬这种社会吧。。。me too..
次次都会沉溺响呢种人情味爆棚既温情片里面。。。
最后一幕应该就系呢出戏既主题了，虽然系无名战士，虽然世界对你太唔公平
但系你都会有精彩既人生，只要有爱～～
就如英治同舜最后都流下闪闪的泪。。
几煽情兼俗套既戏，不过我仍然被感动了。。
从第一集开始，几乎每集都会令我泪光闪闪既一出好戏～
虽然煽情兼俗套，不过不愧是野岛之作，一出温情片都要搞到峰回路转，几乎每集一个新疑点，真系估你吾到
每个星期论坛上面就会出现疯狂既剧情猜想。。大家想象力真系好～
------------------------------------转 话 题 之 线---------------------------------------------
话说，稍微熟我少少既人都应该知道我d手手脚脚充斥住大量红色点点，兼唔痛唔痒。。
经过我一番“勤奋好学”，终于比我破解左呢个困扰左我好多年既“不解之谜”
呢度等陈老师帮大家上翻一课，如果有同样问题缠绕既同学可以入黎了解一下。。。
我既呢种情况，学术上叫“毛孔角化症”
以下系一d官方资料：
“毛孔角化是一种先天基因导致的体质。目前并不知道其真正的致病原因，不过多数文献认为此病有遗传倾向，且好发于有过敏性或异位性体质者、或营养不良者（特别是维生素A缺乏的人）；若加上环境的湿度低、空气干燥，以及焦油、油脂等某些刺激物，也可能导致较常出现。
有专家表示，具有这种体质的人，毛囊周围的角质会增厚，导致毛囊口被过厚的角质堵塞，造成一粒粒的小凸起。 冬天时的症状会更为严重，因为和毛孔角化与角质变厚有关，所以当气候较干燥寒冷时，角质增厚的情形会加重，也就使症状变得更加明显。由于毛孔角化是与角质有关的疾病，所以一般的治疗都是以去角质药膏为首选，像是A酸、果酸、水杨酸及尿素等。 A酸的作用较为深入，可直接影响到细胞核，去除不正常的角化，长期使用将可达到一定的治疗效果。另外像尿素，则具有保水的功能，对于去除角质，也有一定的功效，是在临床上常被使用的外用药。 不过，角质的生成有一定的周期，通常是一个月。但这都是“治标不治本”，因为先天的基因无法改变，所以再次新生的角质，仍会有毛孔角化的现象。通常一个月后，又逐渐恢复到原来的样貌。” 所以，综上所述，呢个问题无得根治，只能改善～
 改善办法有：多喝水，饭后多吃水果，定期去角质，一年四季都要搽滋润的润肤乳，可适量涂一些外用药（暂时所知有一种叫“迪维霜”既药膏可以搽）
想了解更多详细情况，不妨百度“毛孔角化”一下～～
February 17 《浪漫的逃亡》放工即刻痴住曾生部“校巴”滚水渌脚翻到家，就见到饭台面果箱比人粗鲁甘打开左既《浪漫的逃亡》
又比两老见到我堆追星兼做鸡仔媒人既“罪证”
 清点左吓数量，13本砖头甘重既书，13个懒惊贵既预购赠品，13张无咩意义又好受大家重视既预购DM。。
OK无问题
即刻打包六本与大家汇合
今晚姑且一聚好唔理智甘定左响一级棒，足足等左个几钟先有位
早知去鸡记食两桶鸡罢就，仲平d
听SHEEP讲左好多肥信上节目既笑料同小道消息。。
原来距最近写左首叫《洋葱》既歌比杨宗炜。。原来距最近上左甘多台节目。。原来有好多八卦论坛组。。。
我挺五迷落后生睇黎要补吓功课了，哈哈。。。
食饭小插曲：我同sheep都系猪扒饭，我食先。。。点知我食剩四分一既时候sheep个先上，但系最后我地竟然差吾多同时食完。。。事实证明。。。。我都五知点解。。。。我食饭真系好慢。。。。有d野真系从出世就已经决定。。。前几日执野。。竟然见到幼儿园本学生手册。。里面有一个学期既老师评语其中一句竟然系：“希望以后加快吃饭速度”。。。。。呢个问题睇黎呢世都“未解决”了。。
离题了。。。
《浪漫的逃亡》 以下系官方介绍：
第二次去日本，就去這些地方吧！
◆作者阿信，從就讀空間設計學系，到組成五月天至今其間，對東京，大阪，奈良，京都，等地的景點，建築，文化，寺廟十年的日本旅行和工作經驗，寫成本書。 ◆全書以「雜誌書」的活潑編排，加上阿信的攝影，手繪，文字為主要視覺呈現。內容側重於目前日本導覽書籍比較少提到的「非流行」深度知性行程。 ◆獨創的「空間全景導覽」，打破了攝影的限制，讓讀者即使只有開卷，也能夠像是身臨日本最前線的場景。 ◆如果你不能滿足於「買東西吃東西」的旅遊方式，只想趁著旅行，逃離時尚訊息的轟炸，那麼，就和阿信一起進行這次「浪漫的逃亡」吧！ [東京] 約翰藍儂紀念館，東京國立博物館，東京新都廳巨大紀事etc.。 [大阪] 安藤忠雄「光之教堂」，世界最大水族館「海遊館」，手塚治虫博物館etc.。 [奈良] 寫真博物館，世界最大木構造「東大寺」etc.。 [京都] 手製京果子體驗班，金閣寺v.s銀閣寺，哲學之道，裸味覺醒「湯豆腐」etc.。 虽然我仲未开始睇，不过翻过一轮第一印象就系。。。真系确实极之十分地眼花缭乱。。。 要讲千几张相排晒入去确实几玩死人。。。所以我淋先要走“杂志书”既“活泼”编排。。。
有风景，有建筑，有平民百姓，有各种小玩意，有阿信既“近代”做作相，亦都有距旧阵时清新自然既样，有漫画，有食物。。。。
真系包罗万象，似足距本人。。。。。近排追紧既《鹿男与美丽的奈良》里面既景致同群鹿都出现响阿信d相片里面，好亲切，哈
不过里面洋洋洒洒几万只字都系最吸引我既地方。。。。唔通为左阿信个作状摆po样买本书咩，哈哈哈哈哈。。。。
封底靓过封面既《浪漫的逃亡》与又精美又印得吾多均匀既赠品stayreal手机绳
五彩缤纷眼花缭乱既冰山一角内页，真系包罗万象架～～可以慢慢慢慢慢慢睇～～
阿信作状唔作状系列。。。原来距blog个名“我苦乐多”源来有方。。军曹又成为距作状既工具了，哈哈
哈哈。。。《鹿男与美丽的奈良》里面都有如斯场景。。。王子大叔食既鹿饼啊，嘻嘻
February 07 2008例牌花街行 呢个就系我地今年行花街既阵容拉～～
 丸同彭几蚊姨婆既帽十分吸引眼球，哈哈。。。长颈鹿同猩猩，如果距地想倾计甘猩猩就要爬上长颈鹿条颈了。。。不好意思，我冷了
呢张相，五小心比杨帆婆婆做左主角添。。。。见你送左朵娇艳玫瑰花比我，算数拉，哈哈哈哈
今次花市，要颁发两个盏鬼大奖。。。一个系鸡人，一个系花人。。哈哈哈哈
客官请睇～～～
噔噔噔噔噔。。。。。。。
 此乃鸡人，两只鸡脚太可爱了。。。吊吓吊吓甘。。。
 此为花人。。。甘有创意，抵我地帮衬你。。。
排名不分先后，哈哈。。。真系搞笑兼鬼马
祝大家新年快乐啊～～鼠年开开心心，笑口常开。。。。
五开心果阵就黎睇下我space拉（废婷话五开心睇吓我space就会心情好翻涡。。实在太荣幸了，何德何能（羞）  。。。。）February 05 低俗与高尚打开呢几日既地铁报，可以发现，千篇一律第一版系有关今次广东冰灾人灾既新闻，而最后一版就系呢排搞到沸沸扬扬既edison“艳门事件”
今年确实好反常，闻说自从有天气预报以来广州从来未试过超过8日平均气温在7度以下，今次既天灾已经破左好多个记录
咩10年不遇，50年罕见，历史少有。。。。
灾害似乎无限升级。。
得一件厚大衣既我唯有几乎日日都要披住距，心里面一直淋好快可以捱过唔洗买。。。点知淋淋吓一个月都过了仲系呢种天气
陈sir日日做严峻报道，呼吁大家留响广州，仲亲临一线去京珠高速采访，真系唔睇新闻都唔感受到。。完全一个冰既世界，几块小叶竟然承托住大距几十倍既一旧巨冰，打落地梆梆响。。唔怪得D植物全部比冰压断 至于人灾，虽然我无机会亲临火车站感受，不过新闻报纸d好似广告甘夸张既场景照已经可以睇到事态几甘严重，好似睇紧火车站10万人演唱会甘。。。相信日本成日讲既10万人演唱会就系呢个场景了。。。应该派个明星去等广大灾民分散吓注意力。。。。
虽然系甘，大家仲系归家心切，我地公司今日有个来自武汉既同事成为300几万仲系决定翻屋企既人之一好勇敢甘踏上归家之途。。希望距顺顺利利翻到屋企拉
而另外一个同样来自武汉既女同事就成为1200几万决定留粤过年既人之一
最令我感动既系，今次事件里面所有维持秩序既人。。。广州既民警公安，从各地调黎既武警官兵，特种部队，警校学生，距地无日无夜甘做人墙，倒下一批又再黎一批，见到新闻里面由广大警务人员围成既乘客方阵，场面真系壮观，呢D甘有秩序既场景都系靠距地寸步不离甘手拉手人靠人甘围成既，无d体力无d意志无d敬业爱民都真系吾得，毕竟吾系一日两日既事，到宜家为止，呢场人灾都差吾多半个月了，而且归家灾民毕竟仲有个坐到火车就到家既精神支柱，维持秩序既唔单止有家归不得，仲要一齐风吹雨打，无得坐低，更五好讲响前线破冰既人了。。。。。。真系好想亲口同距地讲声：你地真系好伟大！
PS：国昌去现场做义工，真系应该为你鼓掌～
响风雪日子里面搞到红红火火既艳门事件。。。
相信所有人，都系持住一种睇热闹，幸灾乐祸再加少少期待夹杂部分怜悯既心态响度观望。。
公司里面都引起大家共同既关注，好不幸又好正常甘成为大家茶余饭后既谈资。。。日日都会问句：“有无新野？”“有咩新消息？”
自色戒后，三级野再次成为左光明正大睇既野。。。明明收埋收埋十分下流低俗既野突然好似再无禁忌，可以共同分享既普通野。。。。
不过今次D就真系去得尽左d。。搞到我都唔敢认真睇，随便斜眼腊左几眼就算。。。。
所以话，绯闻d野绝对吾系空穴来风。。。绝对系有事发生先会比人写既。。今次仲唔验证晒，个个有绯闻既都出晒事
对edison.....好无语。。。。真系好无语。。。。。
对呢件事，唔可以怪晒群众无道德，公众人物闹出甘既事，我相信即使系痛斥群众无品无德既人一样睇过弹过八卦过
做得公众人物就要预左比千百对眼及住，所以想安全都系收得密实d罢了。。。一失足成千古恨啊。。。
继续关注今次既天灾人祸。。。。
亦都关注艳门事件，哈。。。。。 February 01 。。。《长江七号》。。。前日《长江七号》上映。。。 公司有个星爷迷－－波，比距地怂怂吓搞到我人来疯都决定第一次花40大元去睇一出港产片。。。 成场戏我就系不停甘食爆谷，食到走都未食完。。。。连身边果个喊到叭叭声都五知。。。。。。 观后感就系，如果无人做大头请既话，bt or dvd拉，bt will be better～～～～ 呢出系一出笑又五够尽兴，惨又五够到肉，似乎更适合睇国语版既周星驰电影。。。。(但系有两个同行女同志都喊到眼红红。。。。。我既问题？？） 里面既星爷竟然国语口形涡。。。。所有主要角色都系国语人。。。。 ps： 美娇呢个新一代如花果然好惹打，哈哈哈哈哈哈哈哈。。。。曹主任都几掂。。。。 以上就系我肤浅无深度无任何启示既影评。。。。 January 28 阿爹话：“好事黎，鼠年聚吓鼠气..."ORZ今日翻公司，热吓早餐洗吓杯，搞搞搞左一排拉开凳准备坐落去既时候。。。。。。。
OH MY GOD~~~~
OH MY GOD~~~~~~~~
OH OH OH MY GOD~~~~~~~~~~~~~~
一个令人极度恶心仲伴随一下冷震既场景令我一下晴天霹雳。。。
我放响凳上面既薄外套同食蛇獴KUSUN变成左老鼠安乐窝。。。。。。天啊。。。。。区区一个星期日就比人起左个窝了。。。
见外套十分极之明显甘有好多粒刺眼既老鼠屎同埋一滩迹（好可悲，呢滩野只能够解释为老鼠尿）
虽然我挚爱既食蛇獴无甘惨，不过都肯定沦为老鼠既靠垫。。。。
只要稍微想象吓窦老鼠依偎埋一齐窝响我张凳，真系十几个冷震一齐黎啊。。。。
估吾到我同老窦真系父女同命运。。。距个被窝比老鼠侵占，我张凳都比老鼠侵占。。。。。。。
老窦听到，一句：“好事黎，鼠年聚吓鼠气..."。。。。。真系无语。。。。
睇黎今年要买吓彩票了。。。已经比老鼠攻击左两锅。。。。姐聚左两次鼠气。。。。
真～～系～～好～～恐～～怖～～啊啊啊啊啊啊～～～！！！！！ December 21 澳门六人行－－流水帐式day one
讲左四五个月，甚至通行证都办完过埋期再办。。
December 04 第一筒holga。。 |
Print
出宿舍门就可以即到既黑沙滩 
威尼斯人既巨型曼联广告..同我曾经既最爱们黎张队友大合照先~~
