今日既惊艳一幕~~~估吾到平日猥猥琐琐难波都有甘惊艳既一幕~~花樱会出场果然不同凡响......

杀晒拉~

偷偷爱着你d猥琐配角们真系越黎越可爱~~奥斯卡(戏度叫姬岛?!)既熊熊舞实在喷饭~

几娇艳~~歌词仲不断出现熊熊呢个可爱既词..."某天在树林,和熊熊相遇了"....喷晒饭...

有人话姬岛好似环....d自恋同疯癫既状态实在同环有本质既相似啊~~~几时樱兰都黎翻出真人版等我等无聊人喷吓饭呢,嘻嘻

讲时讲,崛北可以扮埋绯春继续演涡,哈哈....一个路线...

寻日,同波老大,静仔,毛毛一齐放工 ,翻到江南西突然毛毛比人屈煮饭,仲要屈煮似乎好高难度既啤酒鸡......

地铁口分手时刻比人鉴生转移路线...毛毛话:"我一年都吾煮一次,吾黎就无机会啦~~"仲大手笔出钱又出力买左只瘦瘦的清远鸡

波老大拉大队去距间"好浪漫,客厅灯都坏埋要烛光晚餐"既八楼野田妹风味出租屋煮饭仔~~~~

上楼前计划:毛毛煮距只高难度鸡,波就炒滑旦(抢我拿手菜),我就拍黄瓜

上楼后结局:毛毛继续煮距只高难度鸡,兼煮多味鸡胸炒丝瓜洋葱,波转移拍黄瓜,我就无端端变左同静仔一齐玩疯狂兔仔(明明刨紧黄瓜皮,死人毛毛又要响我隔离切洋葱.....姐摆明吾洗我做拉)

 

啤酒鸡果然好野(似乎不如想象中高难度~~)毛毛瞬间变成高级大厨,碟洋葱丝瓜炒鸡胸肉仲有妈咪既味道添,哈哈哈哈哈~~~~

饭台就系电视机底下既茶几,我地四个好似地踎甘一边食饭一边倾计一边仰头睇<岁月风云>,借助阿波改良既台灯灯光,饮住用高脚酒杯装既可乐,背靠一张放满乱七八糟既纸箱既极度生锈碌架床(绝对野田妹风味),食住毛毛风味啤酒鸡,再听波老大show吓距d年代久远既金犊"型"仔相讲吓d威水史(比人怀疑距食啤酒鸡食醉左突然甘好兴致),真系弱智都要讲翻句,今日好开心~~比起出去玩,我好似更享受呢种寒酸既小幸福,哈哈~~~

 

虽然真系时不时觉得自己系咪吾适合广告,觉得做d野好闷....不过有一班甘好既同事,咩都抵拉~~

 

PS:寻晚发梦...有人介绍阿禅比我识,话距系一个准备出道既歌星.....'哦~~~原来系歌星,吾怪得唱歌甘劲'梦中我如是想....哈哈哈....阿禅既实力大女人路线已经深入我心.......